Le songe doré de la pucelle

La pucelle

Adonc les prins a mercier
De ce que me voudrent aprendre
Et dis pour les pacifier
Que me garderay de mesprendre
Lors me vint le grant jour surprendre
Quant plus riens ne vis je m'esveille
Maintz songes plaisent a merveille

Et quant je fus bien esveillee
Je pensay a ce que j'avoye
Beaucoup brugé a la veillee
En moy pourmenant par la voye
Et ainsi comme je savoye
Recorday tout deux ou troys foiz
Songes sont vraiz aucunesfoiz

J'alay d'aventure trouver
Ung qui savoit lire et escrire
Si m'essayay de l'esprouver
Et si luy dis. Amy beau sire
Voulez vous point mon songe escrire
Que j'ay songé presentement
Maint songe donne alegement

Je luy recitay mot a mot
Ce que des